حوار لطيف بين زوج وزوجتة

[size=25]حوار لطيف بين زوج وزوجتة

هو: حبيبتي أنا حأطلب بيتزا، عايزة حاجة؟
هي: لا ياحبيبي
هو: اوكي
هي: ولاّ اقولك
هو: ها، أطلبلك كمان؟
هي: مش عارفة
هو: مش عارفة اذا كنتي عايزة؟
هي: لا
هو: انتي جعانة؟
هي: يعني
هو: يعني إيه يعني؟
هي: يعني مش متأكدة اذا كنت جعانة ولا لأ
هو: الواحد لما بيكون جعان بيعرف
هي: لأ بس يمكن اجوع بعدين
هو: يعني اطلب لك بيتزا؟
هي: طيب واذا ما كنتش جعانة وقتها؟
هو: ما تاكليش
هي: بس ده كدة يبقى تبذير
هو: خلاص، تبقي تاكليها بكرة
هي: واذا ما كانش لي نفس آكل بيتزا بكرة؟
هو: مش محتاجة نفس ، الواحد عادي ممكن ياكل بيتزا كل يوم
هي: انا لا.. أنا مش باكل بيتزا الا لما يكون عندي نفس للبيتزا
هو: طيب بلاش، أطلب لك حاجة تانية؟
هي: بس أنا مش عايزة حاجة تانية
هو: يعني عايزة بيتزا؟
هي: لا
هو: يعني مش عايزة حاجة؟
هي: لأ برضه
هو: جننتيني، طب أعمل إيه؟
هي: اطلب انت لنفسك
هو: الحمد لله، اخيرا.. ماشي
هي: بس اطلب بيتزا بالتونة
هو: نعم؟ انا مش بحب البيتزا التونة
هي: بس انا بحبها
هو: وانتي مالك؟ هو انا حاطلب ليا ولا ليكي
هي: ليك طبعا
هو: طيب أطلبها ليه بقى بالتونة؟
هي: يمكن اجوع لما يوصل الاكل
هو: وبعدين؟
هي: ياسلام، يعني تفتكر آكل حاجة مش عاجباني؟
هو: ليه هو انتي.. أصلاً.. عايزة تاكلي؟
هي: ليه لأ؟
هو: يامثبت العقل.. هو أنا حاطلب بيتزا لي, عشان احتمال انتي تاكليها اذا كنتي جعانة؟؟
هي: بالضبط
هو: وأنا بلاش آكل؟
هي: يمكن وقتها أكون مش جعانة

[size=29]ملاحظة
محكمة الجنايات قررت تبرئة الزوج من تهمة: قتل الزوجة مع سبق الإصرار والترصد.. وتحويل التهمة إلى: قتل الزوجة دفاعاً عن.. العقل

هههههههه

[/size][/size]

طيب هدا حوار بين زوج ومرته اخنا ايش دخلنا
المتل بيقول

يمن تدخل فيما لايعنيه لقى ما لا يرضيه

تحياتى لعفريت

الموضوع في قسم خمسة فرفشة مو في قسم النقاش والحوار
يعني ما طلبت منك تقرأ وتناقش بل لرسم ابتسامة فقط

بعدين اذا ما عجبك الموضوع أقبل كلامك بكل ترحيب

Smile